ໜ້າຫຼັກ / ການເຄື່ອນໄຫວ / ປີ 2023 ແຂວງວຽງຈັນ ເກັບລາຍຮັບງົບປະມານໄດ້ 515,09 ຕື້ກີບ

ປີ 2023 ແຂວງວຽງຈັນ ເກັບລາຍຮັບງົບປະມານໄດ້ 515,09 ຕື້ກີບ

06 Feb 2024 | ຂ່າວ-ພາບ: ແກ້ວອຸດົມ |

ຂປລ. ​ແຫ​ລ່ງຂ່າວ​ຈາກ ​ແຂວງ​ວຽງ​ຈັນ ​ໃຫ້​ຮູ້​ວ່າ: ​ໃນ​ປີ 2023 ຜ່ານ​ມາ, ສາມາດເກັບລາຍຮັບງົບປະມານໄດ້ ທັງໝົດ 515,09 ຕື້ກີບເທົ່າກັບ 174,8% ຂອງແຜນການປີທຽບໃສ່ປີຜ່ານມາເທົ່າກັບ 164,08% ເພີ່ມຂຶ້ນ 201,16ຕື້ກີບ; ດ້ານລາຍຈ່າຍ ຜ່ານການອະນຸມັດເບີກຈ່າຍໝົດປີສາມາດອະນຸມັດລາຍຈ່າຍໄດ້ທັງໝົດ 727,43 ຕື້ກີບເທົ່າກັບ 99,20% ຂອງແຜນການ ຖ້າທຽບໃສ່ປີຜ່ານມາເຫັນວ່າ ເພີ່ມຂຶ້ນ 22,09%.
    ທ່ານ ວອນ ວໍລະສານ ຫົວໜ້າພະແນກການເງິນແຂວງວຽງຈັນ ​ໄດ້​ໃຫ້​ຮູ້ ໃນກອງປະຊຸມ ສະ ຫລຸບການຈັດຕັ້ງປະຕິບັດແຜນງົບປະມານແຫ່ງລັດຂອງແຂວງວຽງຈັນ ປະຈຳປີ 
2023 ແລະ ທິດທາງແຜນການປີ 2024 ໃນວັນທີ 6 ກຸມພາ 2024 ນີ້ວ່າ: ໂດຍອີງຕາມແຜນດັດແກ້ງົບປະມານແຫ່ງລັດ ງວດ IV ແລະ ແຜນງົບປະມານໝົດປີ 2023 ຂອງແຂວງວຽງຈັນ ດ້ານລາຍຮັບ ແຜນການປີ ຈຳນວນ 294,63 ຕື້ກີບ. ໃນນີ້, ພູດສູນກາງປະຕິບັດຢູ່ທ້ອງຖິ່ນ ແຜນການ 15 ຕື້ກີບພູດທ້ອງຖິ່ນ 279,63 ຕື້ກີບ ​ແລະ ດ້ານລາຍຈ່າຍ ແຜນລາຍຈ່າຍ ມີທັງໝົດ 733,33 ຕື້ກີບຂາດດຸນງົບປະມານແຜນການປີ 453,69 ຕື້ກີບ. ຜ່ານການຈັດຕັ້ງປະຕິບັດມາດຕະການຕ່າງໆ ສາມາດເກັບລາຍຮັບງົບປະມານໄດ້ ທັງໝົດ 515,09 ຕື້ກີບເທົ່າກັບ 174,8% ຂອງແຜນການປີເພີ່ມຂຶ້ນ 201,16 ຕື້ກີບ. ໃນນີ້, ລາຍຮັບສູນກາງ ປະຕິບັດໄດ້ 44,33 ຕື້ກີບລາຍຮັບພູດທ້ອງຖິ່ນ ປະຕິບັດໄດ້ 470,76 ຕື້ກີບທຽບໃສ່ປະ ຕິບັດປີຜ່ານມາ ເພີ່ມຂຶ້ນ 175,90 ຕື້ກີບ. ໃນນີ້ ຮັບຈາກສ່ວຍສາອາກອນ 366,53 ຕື້ກີບຮັບຈາກທີ່ດິນ 12,79 ຕື້ກີບຮັບຈາກຄ່າທຳນຽມ 7,29 ຕື້ກີບຮັບຈາກບໍລິການວິຊາການ 25,70 ຕື້ກີບຮັບຈາກຊັບສິນ 58,34 ຕື້ກີບຮັບຈາກລັດລົງທຶນ ແລະ ການປະກັນໄພ 108,36 ລ້ານກີບ.
   ສ່ວນດ້ານລາຍຈ່າຍ ຜ່ານການອະນຸມັດເບີກຈ່າຍໝົດປີສາມາດອະນຸມັດລາຍຈ່າຍ ໄດ້ທັງໝົດ 
727,43 ຕື້ກີບທຽບໃສ່ປີຜ່ານມາເພີ່ມຂຶ້ນ 22,09%. ໃນນີ້, ລາຍຈ່າຍປົກກະຕິ ແຜນການ 709,33 ຕື້ກີບປະຕິບັດໄດ້ 703,43, ເທົ່າກັບ 99,17% ຂອງແຜນການປີ; ລາຍຈ່າຍວິຊາການ ແຜນການ 24 ຕື້ກີບ ປະຕິບັດໄດ້ 24 ຕື້ກີບເທົ່າກັບ 100% ຂອງແຜນການປີ. ໃນນີ້, ຍັງມີລາຍຈ່າຍຮ່ວງເງິນບຳເນັດ, ເກັບລາຍຮັບເກີນແຜນ ຂອງປີ 2022 ຈຳນວນ 53,84 ຕື້ກີບ, ຮັບຈາກການດຸ່ນດ່ຽງຈາກສູນກາງ ຕາມແຜນການຂາດດຸນງົບປະມານເບື້ອງຕົ້ນ 453,69 ຕື້ກີບ, ຮັບການດຸ່ນດ່ຽງຈາກສູນກາງຢ່າງເປັນປົກກະຕິທັນເວລາ ເຊິ່ງປະຕິບັດໄດ້ທັງໝົດ 453,69 ຕື້ກີບ ເທົ່າກັບ 100%.
    ທ່ານຫົວໜ້າພະແນກການການເງິນ ຍັງ​ໃຫ້​ຮູ້ອີກວ່າ: ສຳລັບຄາດໝາຍລາຍຮັບ ​ໃນປີ 
2024 ແຂວງວຽງຈັນ ຈະສູ້ຊົນປະຕິບັດໃຫ້ໄດ້ ທັງໝົດ 333,93 ຕື້ກີບ ແລະ ລາຍຈ່າຍ ຈະປະຕິບັດໃຫ້ໄດ້ 523,19 ຕື້ກີບ.

Share:

ຂ່າວຫຼ້າສຸດ